نعّومة في بيتنا ~

.

.

بسم الله الرحمن الرحيم

.

.

.

اليوم أنا مبسوطة كتير كتير كتير

بعد أربع سنين أخيراً نعّومة عنا بالبيت

ما بعرف نورها ولا ضو القمر

بس الظاهر نورها لأنو نحنا آخر الشهر

يعني ما في قمر P:

.

نعّومتي هي صديقة الصبا

غالية بغلاوة روحي

بداية تعارفنا كانت في تحفيظ القرآن

وبعدها بدأت صداقتنا وأخوتنا في الله

بحبها من كل ألبي

إلنا سوا ذكريات وأيام ما بتنتسى ،

الله بعت نصيبها ع بلد تاني

ولظروف كانت وقتها

ما قدرت كون حاضرة بعرسها

وبعدها سافرت ،

.

صح إلتقينا خلال هالأربع سنين

لقاءات قصيرة وعالسريع

بس هالمرة عندي بالبيت

أكيد غير شكل

أول ما فاتت عالبيت استرجعت ذكريات وأيام

الله يعيد جمعتنا يا رب

و هالمرة معها بنتها

الغالية بنت الغالية - تؤبُر ألبي - هي وأمها

حسيت الوقت مر بسرعة كتير

وهي ما طوّلِت متل ما كنت بتمنى

بس انبسطت إنها وفت بوعدها أخيراً

.

الله يسعدك يا نعّومتي

وينولك كل شي بتتمنيه

و شكراً كتير عالهدية الحلوة

- ما كان في داعي تعذبي حالك -

انتي جيتك بالنسبة إلي أحلى و أغلى هدية

ع كل حال شكراً كتير

وأكيد رح تبقى أحلى ذكرى من أغلى صديقة

.

يمكن هاليوم مو شي مهم بالنسبة لحدا

بس بالنسبة إلي أكتر من مهم

لهيك دوّنتو هون مشان تم إتذكرو

ولأنو ما بعرف ايمتى بترجع بتحن

وبتشرّفنا مرة تانية

بيجوز كمان أربع سنين تانيات !!

.

.

وأخيراً ..

بقول الحمدلله وحده

اللي جمعنا

ويا رب متل ما جمعنا اليوم

يجمعنا بالآخرة

على منابر من نور

آمين ..

.

.