.
.
أبو مازن وأبو سلام
كانا يجلسان في المقهى ويتبادلان الأحاديث مع سكان الحي
ويلعبان " الكوتشينة " أحيانا
فجأة .. الناس يصرخون !
ايش الحكاية ؟
بيكولوا إن اليهود احتلوا بيوتنا !
ايششششششش ؟؟
هيك بيكولوا !
.
وبالفعل كان اليهود قد احتلوا البيوت والأموال
وطردوا السكان !
وهات يا معارك وضرب وتلفيع وتشويت وتمصيع أذان
صرخ أحدهم يا عرب ما فيه حل إلا نرفع دعوى للأمم المتحدة
.
المسألة واضحة وما بدهاش تفكير .. طبعا
المسألة واضحة جدا .. طبعا
سرقة عيني عينك .. ما تحتاج حتى لدليل
مشينا ..
.
وانطلقوا إلى الأمم المتحدة .. وقدموا دعواهم
ثم عادوا إلى المقهى ينتظرون ..
ويرددون في أعماقهم " عائدون " !
والأطفال من حولهم يرمون الحجر على اليهود
ويصرخون في وجه كل يهودي " اطلع من بيتنا يا حرامي "
.
خلال هالفترة .. استقر اليهود في حي العرب
وأكلوا وشربوا وناموا و " تمغطوا " في بيوتهم
بينما ينتظر العرب في المقهى قرار الأمم
ويرددون في أعماقهم " عائدون "
.
المسألة واضحة يا بومازن .. ما هيك ؟
واضحة زي الشمس يا بوسلام .. الأرض إلنا
وهظول اليهود مجرمين ولصوص ومحتلين
سرقوا بيوتنا وأموالنا وطردونا من أرضنا !
.
وما زال اليهود يحتلون الحي .. ويصنعون الأسلحة
ويبنون الطابق الثاني والثالث .. والعاشر
والعرب ينتظرون القرار في المقهى
ويرددون في أعماقهم " عائدون "
.
المسألة واضحة يا بومازن .. ما هيك ؟
واضحة زي الشمس يابوسلام .. الأرض إلنا
وهظول اليهود مجرمين ولصوص ومحتلين !
.
والأطفال من حولهم يرمون على اليهود الحجر
ويصرخون في وجه كل يهودي " اطلع من بيتنا يا حرامي "
والعرب في المقهى .. ينتظرون القرار
ويرددون في أعماقهم " عائدون "
.
طبيعي يا بوسلام .. ما هيك ؟
طبيعي يا بومازن .. الأرض إلنا
وهظول اليهود لصوص ومحتلين .. ما هيك ؟
هيك يا بوسلام .. هيك
.
...
.
بعد فترة ..
الظاهر أن العرب نسوا هم جالسين ليه
إلا يا بومازن ما بتعرف ايش صار في مباراة البرازيل مع فرنسا ؟
بيكولوا إن فرنسا فازت 3/0
لَهْ لَهْ لَهْ .. فازت فرنسا على البرازيل ؟؟؟!
أيوا فازت و زيدان " عربي الأصل " جاب الجون الأول
لَهْ لَهْ لَهْ .. " عربي الأصل " ؟؟!!
هيك بيكولوا ..
.
إلا ايش صار على قرار الأمم المتحدة ؟
المسألة واضحة يا بومازن .. ما هيك ؟
واضحة زي الشمس يا بوسلام .. الأرض لنا
وهظول اليهود محتلين !
.
...
.
ومع الأيام و "عوامل التعرية "
نُسخ الموضوع بالكليّة !
.
...
.
ذات يوم .. رمى أحد الأطفال حجرا على يهودي
وصرخ في وجهه " اطلع من بيتنا يا حرامي "
فغضب أبو سلام وصرخ في وجه الطفل : " عيب يا ولد " !!
من وين يا بومازن جاب هالولد هالكلام هاظ ..
صحيح ناس مش متربية ..
كيف بيرمي الحجر على الزلمة وبيكول " يا حرامي " !!
.
هو أنت نسيت يا بو سلام ؟
ايش نسيت ؟
بيكولوا .. فرنسا فازت على البرازيل 3 / 0
له له له .. 3 / 0 صحيح يا بو مازن !!؟
هيك بيكولوا ..
وبيكولوا إن اللي جاب الجون الأول " عربي " !
.
....
.
في الأيام التالية ..
شوهد أبومازن يسأل أحد اليهود
اللي خارج من البيت " نفس البيت طبعا "
لو سمحت .. ما أدري إذا عندك غرفة للأجار
تعبنا وإحنا جالسين في المقهى !
.
...
.
ولقد عاد الأسى للمرة الألف ..
فلا عدنا .. ولا هم يحزنون !
.
.
...
.
كتبها / أبوطواري
عضو منتديات الإسلام اليوم
.
.
هناك تعليقان (2):
نص رائع جدا
ومضحك بنفس الوقت
بس ما يكون ابو مازن هوه عباس ال(غير صالح للإستعمال) منتهية مدتو وملزق بالكرسي ناوي يسرق مصريات تعمير غزة
يسلمو
ابو مازن حرامي ومن زمان متنازل عن حق العوده
والغريب انه بالاعلام مابيحكو انه الرئيس المنتهيه ولايته
بس شاطرين يحكو الحكومه المقاله في غزه
!!!!!!!!!!!!!!
إرسال تعليق